Kandidati i ‘Bashkë Fitojmë” për Bashkinë e Kamzës Arjan Hoxha, ka akuzuar kundërshtarin e tij se po bën ndasinë mes banorëve për shkak të bindjeve politike.
Në një video të postuar në Facebook, ku shihet një segment i asfaltuar dhe një tjetër i paasfaltuar, Hoxha shkruan se Bashkia po kryen investime me dy standarde dhe se qytetarët e Kamzës ndahen në të preferuarit dhe kundërshtarët e Bashkisë.
Postimi i Arjan Hoxhës:
Investime të tilla me dy standarte, me trajtim të qytetarëve sipas ndasisë politike nuk janë çudi në Kamëz.
E njëjta rrugë me diferencë jo më shumë se 10 m largësi nga njëra-tjetra ka pamjen si më poshtë ⬇️
Njëra anë është dukshëm e shtruar si “nder” për dashamirësit, miqtë apo votuesit e kryebashkiakut 6 %-sh, ndërsa pjesa tjetër trajtuar në mënyrë të diferencuar për mbështetësit demokratë.
Me 14 Maj i japim fund situatave të tilla!
Gjithashtu Hoxha ka zhvilluar një takim gjatë ditës së sotme me qytetarët e Kamzës, ku thekson se më të bashkuar se asnjëherë më pare, vazhdojnë punën edhe pak ditë deri në fitore.
